İnsultun Menecmenti. Modul 7. Neyroreabilitasiyada Yeniliklər

5.00(1)

Nabil Seyidov

Aygün Musayeva

Samir Cəlilov

Sədaqət Hüseynova

Pərvin Əkbərov

Almaz İbrahimova

Sertifikatlı kurs

Tamamilə pulsuzdur. Əgər gələcəkdə kurs ödənişili əsaslarla əvəz edilərsə siz öncədən xəbərdar ediləcəksiniz.

Ümumi məlumat

Çoxsaylı tədqiqatlardan məlumdur ki, kəskin insult keçirən pasiyentlərin xüsusi insult mərkəzi və ya tibb müəssisəsinin ixtisaslaşmış insult şöbəsində müalicəsi daha yaxşı klinik nəticələr verir. Bu cür nəticələr insultun növündən asılı deyildir. Belə ki, həm işemik və hemorragik insultlar, həm də subaraxnoidal qanaxması olan pasiyentlərin ixtisaslaşmış insult şöbəsi və ya insult mərkəzində müalicəsi daha əlverişli qısa və uzunmüddətli nəticələrlə əlaqəlidir. İnsult şöbəsi və ya mərkəzinin strukturu və komponentləri, insultun menecmenti üzrə xəstəxanadaxili protokollar ölkədən ölkəyə çox az fərqlənir və sübutlu təbabət prinsiplərinə əsaslanır.

Kursun məqsədi

İnsultun diaqnostikası və müalicəsi ilə bağlı xüsusi klinik protokollar və alqoritmlərin istifadəsi və keyfiyyət indikatorlarına əsasən davamlı qiymətləndirmə prosedurlarının tətbiqi, qayğının keyfiyyətinin artırılmasına və klinik nəticələrin yaxşılaşmasına əhəmiyyətli təsir göstərir. Bunu nəzərə alaraq, ATU, İSİM, NMA və Uptodate İn Medicine birgə əməkdaşlıqda, ATU-nun TTK nəzdində pilot olaraq həyata keçirilən "ATU-da İnsultun Menecmentinin Təkmilləşdirilməsi Proqramı. İnsult Mərkəzinin yaradılması Pilot Layihəsi (2019-2020)" çərçivəsində həkimlərin və orta tibb personalının insultun diaqnostikası və menecmenti üzrə bilik və bacarıqlarının artırılması məqsədilə uzunmüddətli təlim kursu tərtib edib. Təlimin ilk modulu TİA və İnsultun profilaktikası, diaqnostikası və menecmentinə dair fundamental biliklərin mənimsənilməsinə, ən müasir klinik protokolların öyrənilməsinə hədəflənib.

Kursda əhatə olunan mövzular

İnsultlu xəstələrin reabilitasiyasına müasir yanaşmalar : bərpa və neyroproteksiya Postinsult koqnitiv pozulmalar, diaqnostika və müalicəsi İnsultdan sonrakı reabilitasiyaya müasir yanaşma İnsultdan sonra reabilitasiyanın təşkili

Auditoriya

terapevt, reanimatoloq, təcili tibbi yardım həkimi, ailə həkimi, nevroloq, psixiatr, radioloq, anestezioloq, reabilitoloq

Kursun səviyyəsi	Yalnız tibb işçiləri üçün
Kursun müddəti	2 days
Kursun keçirilmə dili	Azərbaycan dili
İştirak şərtləri	Təlimdə iştirak ödənişsizdir .
Kursun reytinqi	Orta istifadəçi reytinqi 5.00(1)
Kursun kateqoriyası	Tibb və Səhiyyə

Portala giriş